اجمل شعر شعبي عراقي

اجمل شعر شعبي عراقي

ساعه وتغيب الشمس وساعه ويجيني اليل وينراد حيل ودمع ومنين اجيب الحيل

ساعه وتغيب الشمس وساعه ويجيني اليل وينراد حيل ودمع ومنين اجيب الحيل

روحي حمامه صفت وبيت اهل الدور اشتاكيت لامي انا ولخبرزه التنور

اشتاكيت لامي انا ولخبزه التنور ساعه وتغيب

بديرة هلي بالطعم يختلف حتى الماي وحتى الهوا يم هلي يختلف والله هواي

كل ليله تسوه العمر لو كعدو اهلي وياي ... كل ليله تسوه العمر لو كعدو اهلي وياي

ومن ايد امي الصبح محلى استكان الجاي

يا منطقتنا حلم ارجع لأصحابي وكل ساعه صاحب يجي ويدك علي بابي

يا منطقتنا حلم ارجع لأصحابي وكل ساعه صاحب يجي ويدك علي بابي

محتاج محبوبتي الحلوه ام جفن غافي واتمنى هسه تجي وتغفه على جتافي

مشتاك للمدرسه والجرس والساحه واطفل نركض ركض بس نشعر براحه

شما دار بيه الزمن ابقى لهلي ميال ومنين اجيبن كلب يتحمل الترحال

ما انت وحيد

انت الشعب كلة بشيعتة و سنتة

منهو الكالك ناسيك؟ هم ينسى الكمر وكتة؟

بس عشككـ عشكـ مفضوح و عشكـ الناس كلها مساتر و سكتة

صرت انت سبت و بركبة يهودي

هم شايف يهودي يجوز من سبتة؟

انت الفارس اليسبكـ هبوب الريح و ما ظن خيل سابكتة

و انت اليرهم ترابك كحل للعين و دوة للما شفت علتة

و من طينك نحني جفوف المعرسين و كل اصبع فرح من طيبتك طكتة

و انت الريحة ترابك ترد الروح .. هيل و زعفران و عنبر بشمتة

و مثل تراب كاعك ما لكينا تراب ... يرهم للصلاة من طينتة تربتة

انت ينام بيك المرتضى الكرار ... ابو الحسنين التلوذ الناس كلها بشارتة و بختة

و انت ينام بيك بكربلاء حسين .. الما بايع الطاغي و دنكـ ركبتة

و انت البيك ظلت شارة العباس ... لمن طاح دنكلة الفرات و باسة من شفتة

صح هسة اصبحت من وطن نيذر لاند ... هولندي الهوية و شعري جللتة

و صح تأقلمت وية الغرب فد نوب ... و صرت ماصخ مثلهم و الملح عفتة

و صح صرت ارطن رطنهم لمن يرطنون ... و لسان العرب بالاعجمي كسرتة

لكن مدري شنهي يصير بي لمن يمر طاريك ... احسنك دفو تموز وسط شتا

اثاريني مثل طبع النخل لو طال ... يرجع للاصول و تنحني شعفتة

العالم نسى يوم هدعش من ايلول ... صارت بيك سالفتة

ناس تكول لازم نحتويه و نشفط البترول ... و نعوض الراح و نسركـ بركتة

و ناس تكول لازم ها الحصار يدوم ... و ناس تكول لازم ننزع اسلحتة

و ناس تكول خطية اطفالة ماتو من الجوع ... و ناس تكول حيل ويا ، ما حمد ربة و شاكر نعمتة

و انت بين هذا و ذاك صاير شبح لليرمون ... و ياهو الكام ضدك سدد تفكَتة

جي انك حلو و الدول منة تغار ... ما عدهم العندك من مجد نلتة

انت اول وطن آدم وضع جدمة عليه و كال يا الله ... لنك وصلة من جنتة

و انت اول وطن حبّة النبي ابراهيم ... و دعا ربة يصونة برحمتة و عزتة

و انت اول وطن مرسى لسفينة نوح ... و النبي ايوب ناخت بيك راحلتة

و انت اول وطن علم العالم ابجدية و يكتب التاريخ و انت اول وطن قانون سننتة

و انت اول وطن كالتلة الشمس يمة صباح الخير ... و لو رادت تمسي تمسي يكم كَبتة

و انت اول وطن ما يشبه الاوطان ... مدري شلون خالقك ربك ، سبحان ربي شلون صورتة

صورتة العراق و بس علينة يلوكـ ... و احنة نلوكلة لمن يحل وكتة

المقالات المتعلقة باجمل شعر شعبي عراقي